ஆணின் சடலம் ஒன்று மீட்பு!

இன்று  மீட்கப்பட்ட சடலம் முல்லைத்தீவு மாந்தைகிழக்கு பாண்டியன்குளம் பகுதியில் கடந்த மாதம் காணாமல் போன மனநலம் பாதிக்கப்பட்டவருடையது என அவரின் உறவினர்கள் தெரிவித்துள்ளனர்.

கடந்த மாதம் 22ஆம் திகதி வெள்ளிக்கிழமை இரவு முல்லைத்தீவு மாந்தை கிழக்கு பாண்டியன்குளம் பகுதியில் மனநிலை பாதிக்கப்பட்டு அவரது பெற்றோருடன் வசித்து வந்தவ இவர் காணாமல் போயிருக்கிறார்.

மல்லாவிப் பொலிஸ் நிலையத்தில் மறுநாள் குறித்த நபர் காணாமல் போனமை தொடர்பில் முறைப்பாடு செய்யப்பட்டுள்ளதுடன், உறவினர்கள் மற்றும் பிரதேச மக்கள் இணைந்து பல்வேறு பகுதிகளிலும் தேடுதல்களை மேற்கொண்டபோதும் குறித்த நபர் பற்றிய தகவல் ஏதுவும் கிடைக்காத நிலையில் பெற்றோர் உறவினர்கள் தொடர்ந்தும் தேடுதலை மேற்கொண்டுள்ளனர்.

குறித்த பிரதேசத்தில் உள்ள ஒருவர் இன்று காலை வயல் காணியைத்துப்பரவு செய்ய சென்ற போது, ஆற்றங்கரையில் உருக்குலைந்த நிலையில் சடலம் ஒன்று கிடப்பதாக வழங்கிய தகவலையடுத்து அந்த இடத்திற்கு சென்ற உறவினர்கள்.

அணிந்திருந்த ஆடை மற்றும் தடையப்பொருட்களை வைத்து காணாமல்போன 45 வயதான பாலசிங்கம் ஜெயபவான் என்பவருடையது என அவரது உறவினர்கள் தெரிவித்துள்ளனர்.
இச் சம்பவம் தொடர்பான விசாரணைகளை மல்லாவிப் பொலிஸார் முன்னெடுத்து வருகின்றனர்.

LEAVE A REPLY

Please enter your comment!
Please enter your name here